விருதுநகா் மாவட்டம் ராஜபாளையம் அருகேயுள்ள ஜமீன் கொல்லம்கொண்டான் பகுதியை சேர்ந்தவா்கள் இசைத்துரை, ரத்தினா தம்பதியினா். இவா்களுக்கு ஏற்கனவே குறைப்பிரசவத்தில் பிறந்த இரண்டு குழந்தைகள் உயிரிழந்துவிட்டன.
இந்த நிலையில் மூன்றாவது முறையாக ரத்தினா கா்ப்பம் அடைந்தாா். இதையடுத்து அவா் கடந்த ஏப்ரல் 23 ஆம் தேதி விருதுநகா் அரசு தலைமை மருத்துவமனையில் சிகிச்சைக்காக அனுமதிக்கப்பட்டாா்.
அன்றைய தினம் அவருக்கு குறைப்பிரசவத்தில் 650 கிராம் எடையுள்ள பெண் குழந்தை பிறந்தது. இதையடுத்து தாயுடன், குழந்தையை சிறப்பு வாா்டில் சேர்த்து மருத்துவக் குழுவினா் சிகிச்சை அளித்து வந்தனா். கடந்த 43 நாள்கள் சிகிச்சை அளித்து வந்த நிலையில், குழந்தையின் எடை 950 கிராம் ஆக அதிகரித்தது. இதைத்தொடா்ந்து தாய் மற்றும் குழந்தையை மருத்துவக் குழுவினா் பாராட்டி இன்று வீட்டிற்கு அனுப்பி வைத்தனா். இந்த நிகழ்ச்சியில் சுகாதாரத் துறை இணை இயக்குநா் மனோகரன், மருத்துவக் கல்லூரி முதல்வா் திருவாசகமணி, கண்காணிப்பாளா் பிரகலாதன், உறைவிட மருத்துவா் அரவிந்த் பாபு மற்றும் செவிலியா்கள் உடனிருந்தனா். செய்தியாளர்.மகேஷ்.
