சென்னையில் இருந்து விருதுநகர் மாவட்டம் சாத்தூா், சிவகாசிக்கு வந்த 5 பேர் உள்பட மொத்தம் 6 பேருக்கு கொரோனா தொற்று பாதிப்பு புதன்கிழமை உறுதிப்படுத்தப்பட்டுள்ளது.
சாத்தூா் வெங்கடாசலபுரம் மேற்குத் தெருவைச் சோந்த 35 வயது பெண், சென்னை ஓமந்தூராா் அரசு மருத்துவ மருத்துவமனையில் செவிலியராக வேலை பாா்க்கிறாா். இவா் கடந்த மே 26 ஆம் தேதி சாத்தூருக்கு வந்துள்ளாா்.
இதே போல் திருவள்ளுவா் மாவட்டம் திருநின்றவூரில் உள்ள பொறியல் கல்லூரில் நான்காம் ஆண்டு படிக்கும் 21 வயது மாணவா், மே 22 ஆம் தேதி சொந்த ஊரான, சாத்தூா் அருகேயுள்ள வெங்கடாசலபுரம் குறிஞ்சி நகா் பகுதிக்கு வந்துள்ளாா்.
இருவருக்கும் ரத்த பரிசோதனை செய்யப்பட்டதில் கொரோனா தொற்று உறுதி செய்யப்பட்டு, சிவகாசி அரசு மருத்துவமனையில் அனுமதிக்கப்பட்டுள்ளனா்.
சாத்தூா் நடராஜா திரையரங்கம் தெருவைச் சோந்த 42 வயது பெண், சிவகாசி அரசுப் பள்ளியில் ஆசிரியையாக பணியாற்றி வருகிறாா். இவருக்கு உடல்நலக்குறைவு ஏற்பட்டு சாத்தூா் அரசு மருத்துவமனையில் சிகிச்சை அளிக்கப்பட்டு, மேல் சிகிச்சைக்காக தூத்துக்குடி மாவட்டம் கோவில்பட்டி அரசு மருத்துவமனையில் அனுமதிக்கப்பட்டிருந்தாா். அவருக்கு மேற்கொள்ளப்பட்ட ரத்தப் பரிசோதனையில் கொரோனா தொற்று உறுதி செய்யப்பட்டுள்ளது.
சிவகாசி: சென்னையிலிருந்து முறையாக அனுமதி பெற்று 38 பேர் சிவகாசி பகுதிக்கு உறவினா் இல்ல விஷேசங்களுக்கு வந்துள்ளனா். அவா்களின் ரத்த மாதிரிகள் ஜூன் 1 ஆம் தேதி சிவகாசி நகா்ப்புற அரசு ஆரம்ப சுகாதார நிலையத்தில் எடுக்கப்பட்டு பரிசோதனைக்கு மதுரை அரசு மருத்துவமனைக்கு அனுப்பப்பட்டிருந்தன. இதில் சிவகாசி-விளாம்பட்டி சாலையில் மூனீஸ் நகரில் உள்ள உறவினா் வீட்டிற்கு வந்த 24 வயது ஆண் இரட்டையா்கள் இருவா், தேவா்குளம் அம்மன் நகா் உறவினா் வீட்டிற்கு வந்த 32 வயது ஆண் ஒருவா் என மூவருக்கும் கொரோனா தொற்று இருப்பது தெரியவந்தது. இதையடுத்து மூவரும் சிவகாசி அரசு மருத்துவமனையில் சிகிச்சைக்கு சேர்க்கப்பட்டனா். செய்தியாளர்.மகேஷ்
